Cənubi Koreya prezidenti Yoon Seok-yeol avqustun 15-də (yerli vaxtla) xalqın azad edilməsi münasibətilə etdiyi çıxışında KXDR-in nüvəsizləşdirilməsinin Koreya yarımadasında, Şimal-Şərqi Asiyada və dünyada davamlı sülhün təmin edilməsi üçün zəruri olduğunu bildirib.

Yoon bildirib ki, əgər Şimali Koreya nüvə inkişafını dayandırarsa və “əsaslı” nüvəsizləşdirməyə doğru hərəkət edərsə, Cənubi Koreya Şimali Koreyanın nüvəsizləşdirmədə əldə etdiyi irəliləyiş əsasında yardım proqramını həyata keçirəcək.Bunlara Şimala ərzaq təminatı, enerji istehsalı və ötürülməsi vasitələrinin təmin edilməsi, limanların və hava limanlarının modernləşdirilməsi, tibb müəssisələrinin modernləşdirilməsi, beynəlxalq investisiya və maliyyə yardımı daxildir.